Air France ushaǵy Astana áýejaıyna shuǵyl qonýǵa májbúr boldy
ASTANA. QazAqparat - Air France áýekompanııasynyń álemdegi eń úlken A380 jolaýshylar ushaǵy Astana áýejaıyna shuǵyl qonýǵa májbúr boldy. Bul týraly Astana áýejaıynyń baspasóz qyzmeti habarlady.
«29 tamyzda tańerteń Astana áýejaıyna tuńǵysh ret Gonkong - Parıj baǵytyndaǵy Air France áýekompanııasynyń álemdegi eń úlken Airbus A380 jolaýshylar ushaǵy shuǵyl qonýǵa májbúr boldy», - delingen habarlamada.
Ushaqta otyrǵan jolaýshylardyń biri ózin nashar sezingen. Oǵan dárigerlerdiń kómegi qajet bolǵandyqtan, ushaqty Astana áýejaıyna qondyrýǵa týra kelgen.
«Airbus A380 ushaǵy ekıpajynyń komandıri búgin erte Astana áýejaıyna shuǵyl qonýǵa ruqsat surap Astana ýaqytymen saǵat 4:40-ta qondy. Áýe kemesine shuǵyl qonýǵa múmkindik berý úshin magıstraldi rýldeý jolaǵy jabyldy jáne qajetti kómek dereý kórsetildi. Basynda medıtsınalyq kómek bortta kórsetildi, biraq jaǵdaı mamandandyrylǵan kómekti talap etkendikten, kapıtannyń keńesi boıynsha, 1961 jyly týǵan naýqas áıel jolaýshyny aýrýhanaǵa jiberý týraly sheshim qabyldandy. Barlyq jerústi rásimderi aıaqtalǵan soń, janarmaı quıǵannan keıin ushaq sońǵy mejeli pýnkt Parıjge jergilikti ýaqytpen saǵat 07:33-te ushyp ketti», - delinedi áýejaı habarlamasynda.
