Air France ýlanǵan kofe úshin 146 myń eýro tólemek
ASTANA. 14 qańtar. QazAqparat - Air France áýe kompanııasy ushaq kemesiniń bortynda sapasyz kofe iship ýlanǵan jolaýshyǵa 146 myń eýro tóleıdi, dep habarlaıdy RSN.
Oqıǵa alty jyl buryn boldy. Bordo-Parıj saparynyń jolaýshysy ushý kezinde bortta bir shynaıaq kofe iship, keıin ózin nashar sezingen. Jerge qonǵan soń jolaýshynyń óńeshine operatsııa jasaýǵa týra keldi.
Jábirlenýshiniń sendirýinshe, kofeniń quramynda qubyrlardy tazalaýǵa arnalǵan suıyqtyq bolǵan. Ony tikeleı dáleldeý múmkin bolmady, sondyqtan sot ýlanýdyń janama belgileri boıynsha sheshim qabyldady, dep aqparattandyrdy RBK.
Qaýlyda bul «jazataıym oqıǵa» bolǵandyǵy aıtylǵan, biraq ol úshin jaýapkershilikti áýe kompanııasy tartýy tıis
