Air France qaza tapqandardyń jaqyndaryna 700 myń dollar tóleýi tıis
ASTANA. 29 jeltoqsan. QazAqparat - Brazılııa soty Air France áýe kompanııasyna ótken jyly Atlantıka muhıtyna qulaǵan ushaq bortynda bolǵan Brazılııa azamattarynyń jaqyndaryna 700 myń dollardan astam aqsha tóleýi tıis degen sheshim shyǵardy.
Bı-Bı-Sı habarlap otyrǵandaı, ushaq Rıo-de-Janeırodan Parıjge qaraı bet alyp bara jatqan. Apat 2009 jyldyń maýsym aıynda Brazılııanyń soltústik-shyǵys jaǵalaýynan shamamen 1500 shaqyrym jerde boldy.
Air France kompanııasynyń 447-reısinde saparlap kele jatqan barlyq 228 jolaýshy osy apat kezinde qaza tapty.
