Air China Qazaqstanǵa ushatyn Boeing 737 MAX ushaǵyn almastyrdy
ASTANA. QazAqparat - Air China Qazaqstanǵa ushatyn Boeing 737 MAX ushaǵyn almastyrdy. Bul týraly QR IIDM Azamattyq avıatsııa komıteti Feısbýktegi paraqshasynda jazdy, dep habarlaıdy QazAqparat tilshisi.
"2019 jyldyń 14 naýryzynan bastap, Air China áýe kompanııasy Pekın - Astana - Pekın baǵyty boıynsha ushatyn B-737 MAX áýe kemesin A320 ushaǵyna aýystyrady", - delingen taratylǵan aqparatta.
Buǵan deıin Qazaqstan Boeing 737 MAX ushaǵyn paıdalanýǵa shekteý qoıǵanyn habarlaǵan edik. Eske sala keteıik, Efıopııada Ethiopian Airlines áýe kompanııasynyń Naırobıge bara jatqan ushaǵy apatqa ushyraǵandyǵy týraly buǵan deıin habarlaǵan bolatynbyz. Sondaı-aq, ushaqta BUU 19 qyzmetkeri bolǵan. Qaıǵyly jaǵdaıǵa baılanysty Qazaqstan Prezıdenti Nursultan Nazarbaev Efıopııa Federatıvtik Demokratııalyq Respýblıkasynyń Prezıdenti Sahle-Vork Zeýdege kóńil aıtý jedelhatyn joldady.
