«Air China» EKSPO kezinde Astana men Beıjiń arasyna áýe reısin ashady

BEIJІŃ. QazAqparat - 2017 jyldyń maýsym aıynan bastap qytaılyq «Air China» áýe kompanııasy Beıjiń men Astana arasyna turaqty reıs jasaı bastaıdy, dep habarlaıdy Qytaıdaǵy QazAqparat tilshisi.

«Biz Qazaqstan men Qytaı arasynda áýe reıster sanyn ósire túsýge kelistik. Atap aıtar bolsaq, aptasyna Almaty men Beıjiń arasyna qatynaıtyn reıster sany 5-ten 7-ge, Astanadan Beıjińge 3-ten 4-ke kóbeıedi. Sonymen qatar, eger buryn qytaılyq kompanııalar Astanaǵa ushpaıtyn bolsa, 2017 jyldyń maýsym aıynan bastap EKSPO qarsańynda olar tórt ret qatynaıdy, ıaǵnı biz jolaýshylar aǵynynyń artatyn kóremiz. Astana-Úrimji jáne Almaty-Úrimji arasyna qosymsha reıster ashylady», - dedi QR Investıtsııalar jáne damý mınıstri Jeńis Qasymbek Qytaıǵa saparynyń qorytyndysy boıynsha jýrnalısterge bergen suhbatynda.

QazAqparattyń naqtylaı ketken suraǵyna mınıstr turaqty áýe qatynasyn Qazaqstan Qytaı astanalary arasynda «Air China» júrgizetinin atap ótti.