Air China araǵa alty jyl salyp Beıjiń-Phenıan reısin qaıta bastaıdy
ASTANA.KAZINFORM - Beıjiń men Phenıan arasyndaǵy reıster 30 naýryzda qaıta jandanady. Bul týraly Kazinform agenttiginiń Beıjińdegi tilshisi habarlady.
Brıfıng barysynda qytaılyq dıplomat Qytaı men Soltústik Koreıanyń jaqsy kórshiler ekenin atap ótti.
-Áýe qatynasynyń qaıta bastalýy eki el halyqtar arasyndaǵy dostyq almasýlar men baılanystardy nyǵaıtýǵa yqpal etetin oń qadam, - dep atap ótti vedomstvo ókili.
Aıta keteıik, Air China bul baǵyt boıynsha reısterdi 2020 jyly COVID-19 pandemııasyna baılanysty toqtatqan bolatyn. Qazirgi ýaqytta Soltústik Koreıanyń Air Koryo kompanııasy osy baǵyt boıynsha jalǵyz tasymaldaýshy.
Buǵan deıin Beıjiń men Phenıan alty jyldan keıin temirjol qatynasyn qaıta bastaıtynyn habarlaǵan bolatyn.
Osyǵan deıin Máskeýden Soltústik Koreıaǵa alǵashqy tikeleı reıs Phenıanǵa qonǵany týraly jazdyq.
