Air Canada ushaǵy týrbýlenttilik aǵynyna túsip, 35 adam jaraqat aldy
NUR-SULTAN. QazAqparat - Kanadalyq Air Canada áýe kompanııasynyń laıneri týrbýlenttilik aǵynyna túsip, saldarynan 35 adam zardap shekti, dep habarlady beısenbi kúni CBS telearnasy.
Boeing 777-200 Torontodan Sıdneıge bara jatqan. Kanadadan shyqqannan keıin ushaq týrbýlenttilik aǵynyna túsip ketip, Gonolýlý (Gavaıı, AQSh) áýejaıyna qonýǵa májbúr boldy. Laınerdiń bortynda 269 jolaýshy jáne 15 ekıpaj múshesi bolǵan. 35 adam jaraqattandy.
Qazirgi ýaqytta jolaýshylar qonaqúıge ornalastyryldy. Olar taıaý ýaqytta Avstralııaǵa ushyp ketedi.
