Air Astana jolaýshysy Samara áýejaıynda qaıtys boldy
ASTANA. QazAqparat - Maındaǵy Frankfýrt qalasynan Astanaǵa ushyp kele jatqan jolaýshynyń jaǵdaıy kúrt nasharlaýyna baılanysty Air Astana avıakomanııasynyń «Boıng 767» ushaǵy Samara áýejaıyna qonýǵa májbúr boldy, dep habarlady «Interfaks».
«Air Astana» avıakomanııasynyń «Boıng 767» ushaǵy Maındaǵy Frankfýrtten Astanaǵa baǵyt alǵan. Bir jolaýshynyń jaǵdaıy nasharlap, Samara áýejaıyna qondy. Bortqa kóterilgen dárigerler jolaýshyny aman alyp qala almady», dep jazylǵan habarlamada.
Qaıtys bolǵan 1948 jyly týǵan Germanııa azamaty, buryn Qazaqstanda turǵan. Ol Astanaǵa týysqandaryna kele jatqan.
Jolaýshynyń qaza bolý sebebin medıtsınalyq saraptama anyqtaıdy.
