21:06, 28 Jeltoqsan 2019 | GMT +5
Air Astana usynǵan bıletter quny Bek Air kompanııasynikinen qymbat bolmaıdy – QR IIDM
NUR-SULTAN. QazAqparat - Air Astana kompanııasy usynatyn baǵalar Bek Air kompanııasy alǵash usynǵan bıletterdiń baǵasynan qymbat bolmaıdy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.
«Bek Air kompanııasynyń 7 qańtarǵa deıin tyıym salynǵan reısterine bılet alǵan jolaýshylar úshin Air Astana kompanııasy oryn bolǵan jaǵdaıda Bek Air kompanııasynikinen qymbat emes baǵa usynatyn bolady»,-delingen habarlamada.
Air Astana Nur-Sultannan Almaty qalasyna qatynaıtyn jáne 27-29 jeltoqsan aralyǵynda keri qatynaıtyn qosymsha 5 reıs qosty.
Air Astana áýe kompanııasy Bek Air jolaýshylaryn qajetti jerine ýaqytynda jetkizý maqsatynda ishki reısterdi qosý jumystaryn jalǵastyrýda.