Air Astana ústinen qozǵalǵan is ákimshilik sotta qaralyp jatyr
«Avıabılet baǵasy boıynsha bıyl Bas prokýratýra «Air Astana» áýe kompanııasyna qatysty tekserýdi qolǵa aldy. Jumys tobyna maman retinde bizdi de tartty. Básekelestik zańnamasynyń saqtalýy boıynsha tekserý júrgizdik. Nátıjesinde, biz óz qorytyndymyzdy jáne Bas prokýratýra óz qorytyndysyn usyndy. Bas prokýratýranyń usynysy boıynsha biz «Air Astana» áýe kompanııasyna qatysty ákimshilik is qozǵadyq. Búginde atalǵan is ákimshilik sotta qaralyp jatyr», - dedi Básekelestikti qorǵaý jáne damytý agenttigi tóraǵasynyń orynbasary Bolat Sámbetov ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq, agenttik tóraǵasynyń orynbasary ákimshilik sottyń sheshimi týraly qosymsha habar beriletinin aıtty.
Eske sala ketsek, bıyl qyrkúıekte Air Astana áýe kompanııasyna 3 mln teńgeden astam aıyppul salynǵan edi. Resmı aqparatta aıtylǵandaı, atalǵan áýe kompanııasy osy jyly jeti ret aıyppul arqalady.
