Air Astana ushaqtarynda ınternet qashan paıda bolady
ASTANA. KAZINFORM — Qazaqstandyq áýe kompanııasy Air Astana ushaqtarynda spýtnıktik ınternetti engizýdi josparlap otyr. Jańa tehnologııany synaqtan ótkizý bıylǵy jyldyń tórtinshi toqsanyna josparlanǵan.
Jasandy ıntellekt jáne tsıfrlyq damý mınıstrligi Telekommýnıkatsııalar komıteti Air Astana jáne Viasat kompanııalarynyń ókilderimen áýe kemelerinde spýtnıktik ınternetti iske qosý máselesin talqylady.
Kezdesý barysynda jolaýshylarǵa ushý kezinde joǵary jyldamdyqty ınternet usyný jobasyn júzege asyrý múmkindikteri qaraldy. Sondaı-aq áýe kemelerin spýtnıktik baılanys júıesine qosýǵa qatysty tehnıkalyq, quqyqtyq jáne uıymdastyrýshylyq máseleler talqylandy.
— Taraptar áýe kóliginde baılanys qyzmetterin kórsetý boıynsha halyqaralyq tájirıbeni, normatıvtik talaptardy jáne jobany iske asyrýdyń kelesi kezeńderin qarastyrdy, — dep habarlady vedomstvonyń baspasóz qyzmeti.
Kezdesý qorytyndysynda taraptar yntymaqtastyqty jalǵastyrýǵa kelisti. Air Astana ushaqtarynda spýtnıktik ınternet tehnologııasyn pılottyq rejımde synaý 2026 jyldyń tórtinshi toqsanynda bastalady dep josparlanyp otyr.
Eske salaıyq, buǵan deıin jyl aıaǵyna deıin eldegi áýe kompanııalary jańa alty ushaq alatynyn habarlaǵanbyz.
