«Air Astana» ushaq bortynda qaza tapqan jolaýshynyń múrdesin Almatyǵa jetkizýdi qamtamasyz etedi
ASTANA. QazAqparat - «Air Astana» áýe kompanııasy qaza tapqan jolaýshynyń múrdesin tasymaldaý boıynsha shyǵyndy óz moınyna alady, dep habarlady kompanııanyń qoǵammen baılanys departamentiniń baspasóz qyzmetinen.
Áýe kompanııasynan habarlaǵandaı, 122 jolaýshysy bar Frankfýrt-Astana baǵytyndaǵy Boıng-767 ushaǵy kestege saı 4 qyrkúıekte jergilikti ýaqyt boıynsha saǵat 19.55-te ushqan. Alaıda bir jolaýshynyń jaǵdaıy nasharlap, Samara áýejaıyna saǵat 02.10 qonýǵa májbúr boldy. Oqıǵa ornyna jetken dárigerler onyń ómirin qutqara almady. Baǵytyn jalǵastyrý úshin ushaq Samara qalasynan jergilikti ýaqyt boıynsha saǵat 05.10-da ushyp shyǵyp, Astanaǵa saǵat 09.10-da kelip qonǵan.
«Áýe tasymaldaýshysy qaza tapqan jannyń týystaryn Samaradaǵy qonaqúıge jaıǵastyryp, olardyń jýyrdaǵy reıspen Samaradan Almatyǵa ushýyn jáne qaza tapqan jolaýshynyń denesin Almatyǵa tegin tasymaldaýdy uıymdastyrdy», delingen habarlamada. Samara.kp basylymy habarlaǵandaı, qaza tapqan jolaýshy - Germanııanyń azamaty buryn Qazaqstan azamaty bolǵan. Ol óz týystarymen Astanaǵa ushyp bara jatqan.
