Air Astana ushaǵy tehnıkalyq aqaýǵa baılanysty elorda áýejaıyna qaıtyp oraldy
ASTANA. QazAqparat - Astana-Bishkek reısimen ushqan Air Astana áýekompanııasynyń ushaǵy tehnıkalyq aqaýǵa baılanysty áýejaıǵa qaıtyp keldi.
«16 maýsym kúni Astana-Bishkek baǵytymen reıs jasaǵan Eır Astana áýekompanııasynyń Embraer-190 áýe kemesi aspanǵa kóterilgennen keıin salonnyń salqyndatqysh júıesi isten shyqqan. Ekıpaj aerodromǵa qaıta oralý týraly sheshim qabyldaǵan», - dep habarlady QR IDM resmı ókili Murat Jumanbaı.
Onyń aıtýynsha, ushaq Astana áýejaıyna saǵat 09.36-da qonǵan.
«Qaıta oralýdyń sebebi ushaqtyń materıaldyq-tehnıkalyq bóligindegi aqaýlarǵa baılanysty bolǵan, biraq ol ushaqtyń qaýipsizdigin qamtamasyz etýge eshqandaı kedergi keltirmedi. Jolaýshylar men ekıpaj músheleriniń ómirine qaýip tóngen joq. Ekıpajdyń áreketi shtattan tys jaǵdaıda durys boldy», - dedi Murat Jumanbaı.
Qazirgi tańda áýe kemesi osy oqıǵanyń sebebi men jaǵdaıy anyqtalǵanǵa deıin Astanadaǵy áýejaıda bolady.
