Almaty - Astana: Air Astana ushaqtyń áýejaıǵa qaıta qonýyna qatysty túsinikteme berdi

ASTANA. KAZINFORM – 17 jeltoqsanda Almaty – Astana baǵyty boıynsha KC 851 reısin oryndaǵan Air Astana áýe kompanııasynyń ushaǵy borttaǵy kondıtsııalaý júıesinen ıistiń paıda bolýyna baılanysty ekıpajdyń sheshimimen ushý áýejaıyna qaıtyp oraldy.

Ushý qaýipsizdigin qamtamasyz etý maqsatynda áýe kemesiniń komandıri Almaty qalasyna keri qoný týraly sheshim qabyldady. Qoný jergilikti ýaqyt boıynsha 07:40-ta shtattyq rejımde júzege asyryldy.

Áýe kompanııasynyń málimetinshe, reıs jolaýshylaryna ystyq jáne salqyn sýsyndar, sondaı-aq tiskebasarlar usynyldy. Jolaýshylar Astana qalasyna basqa áýe kemesimen saǵat 10:15-te jóneltiledi.

- Atalǵan oqıǵaǵa baılanysty áýe kemesine qatysty belgilengen tártipke saı tehnıkalyq tekserý júrgiziledi, - dep jazdy Air Astana-dan.