Air Astana Túrkııaǵa ushýdan bas tartqan jolaýshylarǵa bıletterdiń qunyn qaıtarady
ASTANA. QazAqparat - Air Astana áýe kompanııasy Túrkııadaǵy oqıǵalarǵa baılanysty oǵan ushýdan bas tartqan azamattarǵa bıletterdiń tolyq qunyn qaıtaratynyn málim etti.
«Air Astana Túrkııadaǵy belgisiz (turaqsyz) saıası jaǵdaılarǵa baılanysty Azamattyq avıatsııa komıtetiniń 16 shildede reıster jasaý týraly sheshim qabyldaǵanǵa deıin Astana-Antalıa-Astana jáne Almaty-Antalıa-Almaty reısteri keshiktirilgenin habarlaıdy.
Túrkııaǵa barý jáne odan kelý úshin «Eır Astana» bıletterin alǵan jolaýshylarǵa, saparǵa shyǵýdan bas tartqan jaǵdaıda avıakompanııa aıyppulsyz bılettiń tolyq qunyn qaıtarady. Bul 2016 jyly 15 tamyzǵa deıingi Ystambul men Antalııaǵa ushatyn reısterge qatysty», - delingen habarlamada.
Qosymsha aqparat alý úshin «Eır Astananyń» aqparat jáne brondaý ortalyǵyna Almatyda: +7 (727) 2 44 44 77 jáne Astanada: + 7 (717) 258 44 77 nomerlerine habarlasýǵa bolady nemese áýe kompanııasynyń bıletterin satý keńseleri men týrıstik agenttikterge barýǵa bolady.
