Air Astana Tel-Avıv reısterine bılet satýdy ýaqytsha toqtatty

Izraıldegi turaqsyz jaǵdaıǵa baılanysty Air Astana áýe kompanııasy keste boıynsha erteńge josparlanǵan Tel-Avıvke reısi Ben-Gýrıon áýejaıynyń qaýipsizdigi saqtalǵan jaǵdaıda oryndalady, dep habarlaıdy QazAqparat áýejaıdyń baspasóz qyzmetine silteme jasap.

Tel-Avıvke keıingi barlyq reıster qosymsha eskertýge deıin toqtatyldy.

Air Astana sondaı-aq Tel-Avıv reısterine bıletterdi satýdy ýaqytsha toqtatty. Bıletterdi aldyn ala alǵan biraq Izraıldegi jaǵdaıǵa baılanysty saparlarynan bas tartqysy keletin jolaýshylarǵa áýe kompanııasy bıletterdi satyp alǵan jerden tolyq qaıtarýdy usynady.

Áýe tasymaldaýshysy Izraıldegi jaǵdaıdy muqııat baqylaıdy. Reısterdiń mártebesin https://airastana.com/kaz/kz-kz/Aqparat/Áýejaıda/Reıs-statýsy silteme arqyly, al bıletti qaıtarý máselesi boıynsha habarlasýdy suraımyz.

Osyǵan deıin Gaza sektoryndaǵy palestınalyq radıkaldar Izraıl aýmaǵyna zymyran atqylap, Izraıldiń ortalyǵy men ońtústiginde erekshe jaǵdaı engizilgenin jazdyq.