Air Astana qazaqstandyqtardy qaıtarý úshin Medına men Jıddaǵa reıs oryndaýy múmkin

ASTANA. KAZINFORM – Air Astana Taıaý Shyǵysqa reısterdi ýaqytsha toqtatyp, repatrıatsııalyq ushýlardy josparlap otyr.

— Air Astana kompanııalar toby Saýd Arabııasy men Mysyrdyń avıatsııalyq bıliginen ruqsat alǵan jaǵdaıda 3 naýryzda Batys Qazaqstannan Medınaǵa 2 repatrıatsııalyq reısti jáne Jıddaǵa 2 repatrıatsııalyq reısti oryndaýdy josparlap otyr. 

Sonymen qatar, Kompanııalar toby Taıaý Shyǵys elderine turaqty reısterdi oryndaýdy 6 naýryzdy qosa alǵanǵa deıin toqtatady, al bıletter 13 naýryzǵa deıin (qosa alǵanǵa) satylmaıdy, — delingen Air Astana habarlamasynda. 

Áýe kompanııasy jaǵdaıdyń damýyn muqııat qadaǵalaýdy jalǵastyrýda jáne jolaýshylardy aldaǵy ózgerister týraly jedel habardar etedi.

Aıta ketelik qazaqstandyq avıakompanııalar Taıaý Shyǵystan 2 naýryzǵa 13 reıs josparlaǵany týraly jazǵan edik.