Air Astana Taıaý Shyǵysqa reısterdi toqtatady
ASTANA. KAZINFORM — Air Astana kompanııalar toby 3 naýryzdy qosa alǵanǵa deıin Taıaý Shyǵys elderine barlyq reısti toqtatady.
Sheshim Qazaqstannyń Avıatsııalyq ákimshiliginiń Taıaý Shyǵys elderine ushýǵa tolyq tyıym salý týraly nusqamasyna sáıkes qabyldandy.
- Áýekompanııa jaǵdaıdy muqııat qadaǵalaýdy jalǵastyrýda jáne kez kelgen ózgerister týraly jolaýshylarǵa aqparat beredi, - delingen habarlamada.
Aıta keteıik, Izraıl búgin Tegeranǵa «preventıvtik soqqy» jasady.
Taıaý Shyǵystaǵy jaǵdaıǵa baılanysty Almaty men Astanadan ushyp shyqqan ushaqtar keri oralatyny belgili boldy.
Iran Izraılge qarymta jaýap retinde birneshe zymyran jiberdi.
Al Qazaqstannyń SІM Irandaǵy Qazaqstan azamattarynyń arasynda zardap shekkender joq ekenin málimdedi.
Sonymen qatar, Prezıdent Irandaǵy jaǵdaıǵa baılanysty qaýipsizdik máseleleri boıynsha tapsyrma bergen edi.