Air Astana Taıaý Shyǵysqa qatynaıtyn reıster sanyn arttyrady
ASTANA. KAZINFORM — Air Astana áýe kompanııasy Qazaqstannan Omanǵa eki jańa baǵyt boıynsha turaqty reısterdi iske qosady. Ushaqtar Almaty men Astanadan Salala qalasyna qatynaıdy.
Qazaqstan Respýblıkasy Kólik mınıstrligi Azamattyq avıatsııa komıtetiniń málimetinshe, Almaty — Salala baǵyty boıynsha alǵashqy reıs 23 qazanda oryndalady. Ushaqtar aptasyna bir ret, juma kúnderi ushady.
Al Astana — Salala baǵyty boıynsha reıster 24 qazanda bastalady. Bul baǵyttaǵy ushaqtar senbi kúnderi aptasyna bir ret qatynaıdy.
Eki baǵyt boıynsha da Airbus A320 úlgisindegi áýe kemeleri paıdalanylady.
Qazirgi ýaqytta Qazaqstannan Omanǵa Almaty — Maskat baǵyty boıynsha Salam Air áýe kompanııasy reıster oryndaıdy.
Eske salaıyq, munyń aldynda Almaty — Tokıo reısi 30 qarashadan bastap ushatynyn jazǵanbyz.
