Air Astana tanymal mýzykant Erlan Kókeevtiń gıtarasyn izdep jatyr

ASTANA. KAZINFORM – Áýe kompanııasynyń ókilderi elimizge tanymal mýzykant Erlan Kókeevtiń júgin joǵaltý faktisin rastady. Sondaı-aq, Air Astana-dan Kazinform agenttiginiń tilshisine jábirlenýshiden ótinish qabyldaǵanyn jáne qazir gıtarasalynǵan qoraptyń izdestirilip jatqany málim boldy.

«Búginde avıakompanııa baqylaý kameralarynyń jazbalaryn paıdalana otyryp, júkti izdestirýde. Biz gıtarany tabý úshin bar kúshimizdi salamyz», - dep habarlady Air Astana ókili agenttik tilshisine.

Aıta ketsek, mýzykalyq aspaptyń joǵalǵany týraly Erlan Kókeev áleýmettik jelide habarlady.

Onyń aıtýynsha, Óskemende ushaqqa miner aldynda júk tapsyrǵan, alaıda, Almatyǵa qonǵanda gıtarasyn tappaǵan.

Mýzykanttyń aıtýynsha, mundaı oqıǵa birinshi ret bolyp jatqan joq jáne barlyq jaǵdaı Air Astana áýe kompanııasyna qatysty.

Sondaı-aq, ulttyq avıakompanııaǵa Májilis depýtaty Irına Smırnovanyń da shaǵymy bar. Halyq qalaýlysynyń málimdeýinshe, «Almaty-Astana» áýe reısi kesteden jeti saǵat buryn ushyp ketken jáne aldyn ala eskertý jasalmaǵan. Endi Májilis depýtaty sotqa júginbek.

«Daý shyǵarýǵa sebep – jolaýshylardy qurmettesin! Materıaldyq tólem óteýdi kózdemeımin, moraldyq turǵydan monopolıst bolýyna baılanysty olarǵa senýge májbúr bolǵan árqaısymyz úshin jaýap berýi kerek. Olar jolaýshylarǵa degen kózqarasty ózgertýi kerek. Biz olar úshin shyǵyn materıaly emespiz», - dedi I. Smırnova Kazinform tilshisine.