Air Astana reısteri ózgerip, Airbus ushaqtary kidirýi múmkin

ASTANA. KAZINFORM — Airbus ushaqtaryndaǵy baǵdarlamalyq jasaqtama jańartýy ushý kestesine áser etip, reısterdiń kidirýine sebep bolýy múmkin, dep habarlaıdy áýe kompanııasynyń baspasóz qyzmeti.

Kompanııa málimetine sáıkes, Airbus ushýǵa jaramdylyq dırektıvasyn shyǵardy, ol barlyq áýe kompanııalaryna Airbus tobyndaǵy ushaqtarda bıiktikti basqaratyn kompıýterdi, operatsııalyq baǵdarlamalyq jasaqtamany shuǵyl jańartýǵa mindetteıdi.

— Qujat árbir ushaqtyń jaqyn arada ushyp shyǵýyna deıin jumystardy oryndaýdy talap etedi. Osyǵan baılanysty Air Astana kompanııalar toby paıdalanatyn Airbus ushaqtarynyń ushý qaýipsizdigin qamtamasyz etý maqsatynda mindetti jańartýdy júrgizý úshin bazalardan kidirip ushady. Air Astana kestege áserin barynsha azaıtý úshin bar kúsh-jigerin salady, alaıda reısterge ózgeris engizilip, kidirýi múmkin, — delingen habarlamada.

Air Astana jolaýshylarǵa áýe kompanııalardyń saıttarynda óz reısteriniń mártebesin aldyn ala tekserýge keńes beredi.

Budan buryn Air Astana 15 Boeing ushaǵyna tapsyrys bergeni málim boldy.