«Air Astana» ókilderi «Almaty-Bishkek» reısiniń áýejaıǵa qaıtyp oralý sebebin aıtty
ASTANA. QazAqparat - «Air Astana» áýe kompanııasyndaǵylar Bishkekke ushqan reıstiń Almatyǵa qaıtyp kelý sebebin atady, dep habarlady «QazAqparat» HAA tilshisi.
«22 naýryzda Almatydan Bishkekke KS109 reısin oryndaǵan ushaq tehnıkalyq sebepter boıynsha Almaty halyqaralyq áýejaıyna ushyp keldi. Oǵan sebep - maı qysymy tómendep ketip, sonyń saldarynan ekıpajdyń №1 qozǵaltqyshy sónip qalǵan. Ushaq shtatty rejimde qondy», - dep habarlady áýe kompanııasynyń baspasóz qyzmetindegiler.
Áýe kompanııasynyń tehnıkalyq qyzmet kórsetý mamandary aqaýdyń sebepterin anyqtaý boıynsha jumystardy júzege asyrdy.
«Maı qysymynyń túsýi týraly aqparattyń dabyl júıesiniń jalǵan iske qosylýy saldarynan týyndaǵany rastaldy. Qozǵaltqysh tekserilip, maıy tógilmegen bolyp shyqty», - delingen habarlamada.
Bul osy aıda kompanııanyń ushaqpen buzylýymen baılanysty bolǵan birinshi jaǵdaı emes.
«Eır Astana» áýe kompanııasynyń ushý jaramdylyǵyn qoldaý jáne tehnıkalyq qyzmet kórsetý qaýipsizdigi standarttaryna sáıkestigin qamtamasyz etý aǵa menedjeri Sergeı Makarenko bul oqıǵany kezdeısoq jaǵdaı dep atady.
