Air Astana-nyń sottalǵan eks-qyzmetkerlerinen úı-jaı men baǵaly kólikter tárkilenedi

ALMATY. KAZINFORM – Almaly aýdandyq sotynda senip tapsyrylǵan aqshalaı qarajatty ıemdený jáne talan-tarajǵa salý aıyby boıynsha sottalǵan Air Astana burynǵy qyzmetkerleriniń múlki tárkilenedi.

Buǵan deıin sot úkimimen Renat Abýlhanov pen Erkin Isanovqa 8 jyl 6 aı merzimge bas bostandyǵynan aıyrý jazasy taǵaıyndaldy. Al Dáýir Erkenuly 9 jylǵa sottaldy. Sot kabınetinde atalǵan úsh azamattyń tárkilenýge jatatyn múlikteri jarııalandy.

Dáýir Erkenulynyń óz atyna jáne týystarynyń atyna tirkelgen kelesi múlki tárkilenedi:

• quny 35 833 333 teńge bolatyn 2017 jyly shyqqan «TOYOTA LAND CRUISER 200» markaly avtokóligi;

• quny 15 400 000 teńge bolatyn 2021 jyly shyqqan «TOYOTA CAMRY» markaly avtokóligi;

• anasy Seıtova Gýlmıra Toleýgalıevnanyń atyna tirkelgen, quny 62 600 000 teńge bolatyn 2015 jyly shyqqan «MERCEDES-AMG GT S» markaly avtokóligi;

• týysy Aıtjanova Býlbýldyń atyna tirkelgen, quny 22 133 333 teńge bolatyn 2023 jyly shyqqan «ZEEKR 001» markaly avtokóligi;

• quny 1 000 000 teńge bolatyn 2024 jyly shyqqan «MZSA 817732» markaly tirkemesi;

• banktik shottarda jáne Binance-te jatqan 4 034 547 teńge somasyndaǵy aqsha qarajaty.

Erkin Isanovtyń óz atyna jáne zaıyby Aqbota Jaqanovanyń atyna tirkelgen kelesi múlikteri tárkilenedi:

• quny 22 133 333 teńge bolatyn 2023 jyly shyqqan «ZEEKR 001» markaly avtokóligi;

• quny 4 200 000 teńge bolatyn 2022 jyly shyqqan «DUCATI MONSTER» mototsıkli;

• zaıyby Jaqanova Aqbota Maratqyzynyń atyna tirkelgen, Almaty qalasy, Bostandyq aýdany, Ermensaı móltek aýdany, Jaqsylyq Úshkempirov kóshesi, 42-úı, 18-páter;

• zaıyby Jaqanova Aqbota Maratqyzynyń atyna tirkelgen, Almaty qalasy, Bostandyq aýdany, Ermensaı móltek aýdany, Jaqsylyq Úshkempirov kóshesi mekenjaıynda ornalasqan №317, 318 turaq oryndary jáne sol jerde ornalasqan №396 qoımajaı, jalpy quny 125 000 000 teńge bolatyn múlik;

• banktik shottarda jáne Binance-te jatqan 255 641 teńge somasyndaǵy aqsha qarajaty.

Renat Abýlhanovtyń óz atyna, anasy Sabırova Manshýk Sabırovanyń jáne zaıyby Nadejda Mamyshevanyń atyna tirkelgen kelesi múlikteri tárkilenedi:

• quny 8 400 000 teńge bolatyn 2016 jyly shyqqan «KIA K5» markaly avtokóligi;

• quny 22 533 333 teńge bolatyn 2021 jyly shyqqan «HYUNDAI PALISADE» markaly avtokóligi;

• zaıyby Mamysheva Nadejda Aleksandrovnanyń atyna tirkelgen, Almaty qalasy, Medeý aýdany, J. Omarova kóshesi, 25/1-úı, 10-páter, quny - 68 200 000 teńge;

• anasy Sabırova Manshýk Hamıtovnanyń atyna tirkelgen, Almaty qalasy, Bostandyq aýdany, Gornaıa dolına kóshesi, 25 «B»-úı, 13-páter, quny - 105 666 667 teńge;

• Almaty qalasy, Bostandyq aýdany, Raýgash kóshesi, 7-úı, 8-páter, quny - 251 833 333 teńge;

• banktik shottarda jáne Binance-te jatqan 4 823 154 teńge, 31,78 AQSh dollary jáne 5 100 AQSh dollary somasyndaǵy aqsha qarajaty.

Sondaı-aq azamattyq talap qoıýshy «Eır Astana» AQ-nyń materıaldyq zalaldy óndirý týraly talap aryzy ishinara qanaǵattandyrylǵan. Sottalǵandar Dáýir Erkenulynan, Erkin Isanovtan jáne Renat Abýlhanovtan «Eır Astana» paıdasyna ortaq tártippen 1 014 464 027 teńge mólsherinde materıaldyq zalal, úlestik tártippen 30 433 921 teńge mólsherinde memlekettik baj óndiriledi.

Sot kabınetindegi málimetke sáıkes, sottalǵandar bul úkimge apellıatsııalyq shaǵym túsirgen. Aldaǵy ýaqytta is apellıatsııalyq sotta qaralatyn bolady.

Eske salaıyq, buǵan deıin Air Astana burynǵy qyzmetkerdiń málimdemesine jaýap berdi.