19:33, 23 Qarasha 2023 | GMT +6
Air Astana-nyń Oral arqyly ushatyn reısteri toqtatyldy
Aýa-raıynyń qolaısyzdyǵyna baılanysty Air Astana-nyń Oral-Frankfýrt-Oral jáne Oral-Astana baǵyttary boıynsha, sondaı-aq Almatydan Oralǵa jáne qaıtar reısteri toqtatyldy, dep habarlaıdy Kazinform «Eır Astana» áýe kompanııasynyń baspasóz qyzmetine silteme jasap.
Oryndalmaǵan reısterdiń jolaýshylaryna tamaq berilip, tegin qaıta brondaý nemese bıletti qaıtarý usynyldy. Oral-Astana reısiniń jolaýshylaryna qonaqúıge ornalastyrý, tamaqtaný jáne transfer usynyldy.
«Áýe kompanııasy reısteriniń keshigýi jáne toqtatylýy qaýipsizdik sharalarynan týyndaǵanyn eskertemiz. Kidirister týraly aqparat alý úshin +7 7272 44 4478 jedel jeli arqyly habarlasyp, reısterdiń mártebesin áýekompanııanyń resmı saıtynda tekserýdi suraımyz»,-delingen habarlamada.
