Air Astana-nyń qundy qaǵazdary LSE jáne AIX-ta satylymǵa shyqty

ASTANA. KAZINFORM – Air Astana áýe kompanııasynyń LSE jáne AIX alańynda baǵaly qaǵazdaryna ashyq saýda bastaldy.

«IPO-ǵa shyǵý sheńberinde Air Astana-nyń bir aktsııasy úshin 1 073,83 teńge jáne GDR úshin 9,5 dollardy qurady. Qanaǵattandyrylǵan kólemniń jartysynan astamyn qazaqstandyq ınvestorlar qurady», - delingen habarlamada.

2001 jyly Air Astana áýe kompanııasy qurylǵan kezde aktsıonerler 17 mln dollar ınvestıtsııa saldy, odan keıin qosymsha ınvestıtsııalar bolǵan joq.

Ótinimderdi qabyldaý jabylǵan kezde kompanııanyń quny 847 mıllıon dollarǵa baǵalandy. Bul kompanııa qurylǵaly shamamen 50 ese ósýdi bildiredi.

Buǵan deıin Air Astana aktsııalary 15 aqpannan satyla bastaıtyny týraly habarlaǵan edik.

Bıyl qańtarda Úkimet Air Astana áýe kompanııasynyń IPO-syn ótkizý máselesin talqylady.