Air Astana men FlyArystan avıaotyn kólemi boıynsha burmalanǵan málimetter úshin jaýapqa tartyldy
ASTANA. KAZINFORM – Qazaqstan Respýblıkasy Kólik mınıstrligi avıaotynmen qamtamasyz etý máseleleri boıynsha júrgizilgen tekserý barysynda «Air Astana» AQ jáne «FlyArystan» AQ kompanııalarynyń avıaotyn kólemi týraly málimetterdi burmalaǵany anyqtaldy. Bul týraly Kólik mınıstrligi habarlady.
Bul faktiler negizinde QR Ákimshilik quqyq buzýshylyq týraly kodeksiniń talaptaryna sáıkes, atalǵan avıakompanııalarǵa ákimshilik sharalar qoldanylyp, árqaısysyna 100 AEK kóleminde aıyppul salyndy.
Atalmysh sharalar avıatsııa salasyndaǵy otynnyń durys eseptelýi men eseptiligin qamtamasyz etý maqsatynda qabyldandy.
Eske sala keteıik, osyǵan deıin qazaqstandyq áýe kompanııa eki jańa ushaqpen tolyqqanyn jazǵan edik.
