Air Astana Maldıv araldaryna qatynaıtyn reısterdi toqtatty
«17, 19 jáne 24 mamyrda Air Astana Maldıvtegi jolaýshylar úshin repatrıatsııalyq reıster uıymdastyrady. KS586 reısi jergilikti ýaqyt boıynsha saǵat 19:35-te Maleden ushyp shyǵyp, Almatyǵa kelesi kúni saǵat 03:05-te qonady. QR Bas memlekettik sanıtarlyq dárigeriniń qaýlysyna sáıkes jolaýshylar Almatyǵa kelgennen keıin 14 kúndik karantınnen ótýi kerek», - dep jazady áýe kompanııasynyń baspasóz qyzmeti.
Aldyn ala satyp alǵan bıleti kúıip ketken kompanııa klıentteri bılet qunyn tolyqtaı qaıtarýǵa nemese basqa kúnge aýystyrýǵa quqyly.
«Kúshi joıylǵan reısterdiń jolaýshylary avıabılettiń qunyn satyp alǵan jeri boıynsha tolyq qaıtara alady nemese 2021 jylǵy qazanǵa deıin basqa ashyq kúnderge aqysy bılet brondaýǵa bolady. Qosymsha aqparat alý úshin bıletti satyp alý ornyna nemese brondaý jáne aqparat ortalyǵyna +7 727 244 4477 / +7 702 702 4477 nómiri boıynsha habarlasý kerek», - deıdi áýe kompanııasynyń ókilderi.
Eske salsaq, keshe QR Bas memlekettik sanıtar dárigeri Erlan Qııasov «Qazaqstanǵa Maldıv araldarynan koronavırýs ınfektsııasy kelýiniń aldyn alý sharalaryn kúsheıtý týraly» jańa qaýlyǵa qol qoıǵan bolatyn.
