Air Astana kompanııasy júk tasymaldaýdy qolǵa alady - Pıter Foster
«Samuryq-Qazyna» ulttyq ál-aýqat qoryn basqarý jónindegi keńes otyrysynda Nursultan Nazarbaev kompanııa basshysyna aldaǵy jumys jospar jóninde suraq qoıdy.
«Sizdiń kompanııańyz barlyq halyqaralyq qaǵıdalar men talaptarǵa saı jumys istep jatyr. Bul bizdi qýantady. Ókinishke qaraı, álemdegi qazirgi ahýal áýe tasymalyn, ásirese jolaýshylar tasymalyn azaıtty. Bul jóninde sizdiń pikirińiz ben aldaǵy jumys josparyńyzdy bilgim keledi», - dedi Nursultan Nazarbaev.
«Ózińiz atap ótkendeı, avıatsııalyq ındýstrııa buryn-sońdy bolmaǵan jaǵdaıdy bastan keshýde. Barlyǵy kúrdeli jaǵdaıda. Biraq, bizdiń jolymyz boldy, biz daǵdarysqa 14 aı tabysty júrgizilgen trendteýden keıin kelip otyrmyz. Óz qarjylyq aǵynymyzdy kidirtý jáne ustap turý múmkindigi boldy. Kúrdeli daǵdarystyq kezeńge qaramastan, jańa baǵyttar da ashylyp jatyr. Qazirgi jaǵdaıda áýe júk tasymaly suranysqa ıe jáne Air Astana osy baǵytqa bet burdy», - dedi Pıter Foster.
P. Foster kompanııanyń bastapqyda tek qana jolaýshylar tasymaldaǵanyn, al qazir júk tasymaldaý máseleleriniń egjeı-tegjeıin qarastyryp jatqanyn jetkizdi.
«Búginde bizde Qytaıǵa jáne Eýropa elderine baǵyttalǵan 32 charterimiz bar. Júkti de, jolaýshyny da tasymaldaýy úshin keıbir Boıng-767 ushaqtarymyzdy ózgertip jatyrmyz. Air Astana júk tasymaldary úshin bólek dıvızıon ornatyp jatyrmyz. Jaqynda 2 Boıng-767 júk tasymaldary úshin qaıta qurastyrylady. Bul – bizdiń daǵdarysqa áreket etý sharalarymyz», - dedi Air Astana basshysy.
