Air Astana kompanııasy reıster keshigýi múmkin ekenin eskertti

ASTANA. KAZINFORM — Áýe kompanııasy qolaısyz aýa raıyna baılanysty reısterdiń keshigýi múmkin ekenin habarlady. 

— Áýekompanııa elimiz boıynsha meteorologııalyq jaǵdaıdyń nasharlaýyna baılanysty reıster keshiktirilýi múmkin ekenin habarlaıdy, — delingen habarlamada.

Kompanııa jolaýshylardan reıs statýsyn áýekomapnııanyń saıtynan tekserip otyrýdy ótindi. 

Aıta keteıik, buǵan deıin Almaty áýejaıynda da reıster keshigip jatqany habarlandy. 

Onlaın-tablodaǵy derekterden ishki jáne halyqaralyq baǵyttar boıynsha keıbir reıster keshigip jatqanyn kórýge bolady. Mysaly, Novosıbırsk, Astana jáne Aqtaý baǵyttary boıynsha ushý keıinge shegerilse, Novosıbırsk, Astana, Óskemen, Tashkent, Qaraǵandy, Semeı, Aqtóbe, Oral, Delı, Fýkýok, Sharm-el-Sheıh jáne Dýbaıdan keletin reıster de keshikkeni belgili boldy.

Sondaı-aq 5 qarashadaǵy qolaısyz aýa raıyna baılanysty birneshe óńirde kólik qozǵalysy shektelgen edi. Atap aıtqanda Shyǵys Qazaqstan men Túrkistan oblystarynda joldar ýaqytsha jabyldy.