Air Astana Dýbaıǵa ushatyn taǵy birqatar reısti toqtatty
ASTANA. KAZINFORM — Air Astana áýe kompanııasy 13 jáne 14 shildege josparlanǵan Dýbaı baǵytyndaǵy reısterge ózgeris engizdi.
Taıaý Shyǵystaǵy jaǵdaıdyń shıelenisýine baılanysty Air Astana áýe kompanııasy Birikken Arab Ámirlikterimen áýe qatynasyn toqtatady. Atap aıtqanda, 13 jáne 14 shildege josparlanǵan KC897/898 Almaty — Dýbaı — Almaty reısteri, sondaı-aq 14 shildege josparlanǵan KS 205/206 Astana — Dýbaı — Astana reısteri toqtatylady.
— Jolaýshylarǵa bıletterdiń qunyn satyp alý orny boıynsha tolyq qaıtarý ne 12-18 shilde aralyǵynda josparlanǵan reısterden 31 shildeni qosa alǵanǵa deıin josparlanǵan reısterge tegin qaıta brondaý usynylady. Reıster kestesindegi odan arǵy ózgerister týraly keıinirek habarlanady. Air Astana jaǵdaıdy muqııat baqylap, jolaýshylardy qaıtarý máselelerin sheship jatyr, — delingen kompanııa taratqan aqparatta.
Baılanys úshin Air Astana Brondaý jáne aqparat ortalyǵy (24/7):
- help.airastana.com
- + 7 727 244 4477 + 7 7172 584477 +7 702 702 4477
Reısterdi keshiktirgen jaǵdaıda jedel jeli:
- +7 7272 44 44 78
- WhatsApp: +7 702 702 00 74
- Online chat: airastana.com
Osyǵan deıin Air Astana Taıaý Shyǵystaǵy shıeleniske baılanysty 12 shildedegi áýe reısteriniń kestesi ózgeretinin eskertti.
