Air Astana Dýbaıǵa ushatyn reısterdi toqtatý merzimin 30 sáýirge deıin uzartty
ASTANA. KAZINFORM — Taıaý Shyǵystaǵy qaqtyǵys áli jalǵasyp jatqandyqtan, Air Astana áýekompanııasy Almaty men Astanadan Dýbaıǵa ushatyn turaqty reısterdi toqtatý merzimin 1 sáýirden 30 sáýirge deıin (qosa alǵanda) uzartýǵa májbúr bolyp otyr. Bul týraly áýe kompanııasynyń baspasóz qyzmeti málim etti.
Ushýdy aldyn-ala josparlap, alaıdy usha almaı qalǵan jolaýshylarǵa kelesideı nusqaýlyq usynyldy:
- bılet qunyn tolyq qaıtaryp berý (aıyppulsyz);
- Dýbaıǵa 30 maýsymǵa deıin (qosa alǵanda) ushatyn reısterdi tegin qaıta brondaýǵa múmkindik berý;
- áýekompanııanyń basqa baǵyttaryna aıyppulsyz qaıta brondaýǵa bolady (tarıf aıyrmasy men áýejaı alymdary boıynsha qosymsha tólem bolýy múmkin), sapar merzimi 30 maýsymǵa deıin (qosa alǵanda).
Áýekompanııa Taıaý Shyǵystaǵy ahýaldy muqııat baqylap otyr.
Aıta keteıik, buǵan deıin Air Astana áýekompanııasy 29 naýryz ben 24 qazan aralyǵynda jalǵasatyn jazǵy navıgatsııaǵa kóshkenin jazdyq. Bul ýaqytta reıster jıiligi artyp, jańa baǵyttar ashylyp, maýsymdyq reıster qaıta jandanady.
