Air Astana Dýbaıǵa reısterdi taǵy toqtatady
ASTANA. KAZINFORM — Air Astana áýe kompanııasy Dýbaı baǵyty boıynsha reısterdi ýaqytsha toqtatý týraly sheshim qabyldady.
Bul Ormýz shyǵanaǵyndaǵy jáne Taıaý Shyǵys aımaǵyndaǵy jaǵdaıdyń nasharlaýyna baılanysty qabyldanǵan.
Kompanııa málimetinshe, Dýbaıǵa ushatyn reıster 21 shildeden bastap 31 tamyzǵa deıin oryndalmaıdy. Al 21 shildege deıingi reıster jolaýshylardy keri qaıtarý úshin júzege asyrylady.
Áýe kompanııasy jolaýshylarǵa birneshe múmkindik usyndy: bıletterdiń tolyq qunyn satyp alǵan jeri boıynsha qaıtarý nemese sapar kúnin keıinge aýystyrý. Sondaı-aq Air Astana-nyń basqa halyqaralyq baǵyttaryna tegin qaıta brondaý múmkindigi beriledi.
Eske salaıyq, buǵan deıin Air Astana 15 shildeden bastap Dýbaıǵa reısterdi qaıta iske qosatynyn habarlaǵanbyz.
