Air Astana Dýbaıǵa reısterdi qaıta bastaıdy
ASTANA. KAZINFORM — Air Astana Dýbaımen áýe qatynasyn qalpyna keltiredi.
Air Astana 2026 jylǵy 1 qazannan bastap Almaty — Dýbaı — Almaty jáne 2026 jylǵy 2 qazannan bastap Astana — Dýbaı — Astana baǵyttary boıynsha turaqty reısterin qalpyna keltirýdi josparlap otyr. Bul týraly kompanııanyń baspasóz qyzmeti habarady.
Qazan aıynda ushý jıiligi birtindep kóbeıedi:
- Almaty — Dýbaı — Almaty baǵytynda 4 reısten bastap aıdyń sońyna deıin aptasyna 12 reıske deıin.
- Astana — Dýbaı — Astana baǵytynda 3 reısten bastap aıdyń sońyna deıin aptasyna 10 reıske deıin.
Áýekompanııa Taıaý Shyǵystaǵy jaǵdaıdy baqylaýda jáne qajet bolǵanda ushý kestesin túzetýi múmkin, sondaı-aq ózgerister týraly jolaýshylardy habardar etedi.
Eske salaıyq, buǵan deıin FlyArystan áýe kompanııasy Taıaý Shyǵystaǵy turaqsyz jaǵdaıǵa baılanysty Aqtaý — Dýbaı — Aqtaý baǵyty boıynsha reısterdi oryndaýdy ýaqytsha toqtatý merzimin uzartqan edi.
