Air Astana-daǵy mıllıardtyq jymqyrý: apellıatsııa úkimdi kúshinde qaldyrdy
ASTANA.KAZINFORM - Almaty qalalyq sotynyń qylmystyq ister jónindegi apellıatsııalyq alqasy «Air Astana» AQ - da 1 mıllıard teńgeden astam qarajatty jymqyrý jáne qylmystyq kiristerdi zańdastyrý týraly qoǵamdyq rezonans týdyrǵan is boıynsha úkimdi ózgerissiz qaldyrdy.
Qylmystyq shemany uıymdastyrýshy 9 jylǵa, al onyń eki sybaılasy 8 jyl 6 aıǵa bas bostandyǵynan aıyryldy.
Sondaı-aq barlyq sottalǵandardyń múlki tárkilenip, olarǵa 5 jyl merzimge kommertsııalyq uıymdarda laýazymdy qyzmetterdi atqarýǵa tyıym salyndy.
Sot jábirlenýshi taraptyń 1 mıllıard teńgeden astam somaǵa bergen azamattyq talap-aryzyn qanaǵattandyrdy. Tárkilengen múlik keltirilgen shyǵyndy óteýge baǵyttalady.
Bas prokýratýra málimetinshe, apellıatsııalyq ınstantsııa qorǵaýshy taraptyń ýájderin qarap shyǵyp, úkimdi ózgerissiz, al shaǵymdardy qanaǵattandyrýsyz qaldyrdy.
Aıta keteıik, Qyzylordada stalkıng jasaǵan 4 adamǵa qatysty úkim shyqty.
