Air Astana bortserikteri jazǵan shaǵym boıynsha komıssııa quryldy
ASTANA. KAZINFORM – QR Kólik mınıstri Marat Qarabaev Air Astana borserikteri jazǵan shaǵymǵa jaýap berdi jáne ondaǵy aqparattyń shyndyqqa saı kelmeıtinin aıtty.
«Jaqynda Air Astana bortserikteri Prezıdenttiń atyna hat jazdy, onda kompanııanyń kóptegen máselelerin, sonyń ishinde tómen jalaqy, shtattyń kóp ekeni jáne Air Astana menshiginde 54 emes, 25 qana ushaq bar ekeni aıtylǵan. Bul hat jóninde qandaı pikirdesiz?», - dep suraq qoıdy tilshiler Úkimettegi brıfıngte.
Mınıstr bul hat boıynsha tıisti komıssııa qurylyp, tekserý júrip jatqanyn, onyń quramynda Eńbek jáne áleýmettik qorǵaý mınıstrligi, Azamattyq avıatsııa komıtetiniń beıindi qyzmetkeri bar ekenin atap ótti.
Komıssııa qorytyndysy qosymsha habarlanady.
«25 ushaq týraly hatta jazylǵan aqparattar shyndyqqa janaspaıdy. Air Astana-da shynymen 54 bort bar. Bıyl taǵy qosymsha ushaqtar alynady. Hatqa qol qoıǵandar arasynda Air Astana-nyń burynǵy qyzmetkerleri de baıqalǵan. Jalpy áýe kompanııasynda 2 myńnan astam bortserik jumys isteıdi. Onda qyzmetkerlerge eńbekaqy men bonýs tóleý júıesi, 4-5 juldyzdy qonaq úı, ózi men týystaryna 90% jeńildik, mansaptyq ósý sekildi eń jaqsy jaǵdaı jasalǵan», - dedi M. Qarabaev.
