Air Astana baǵaly qaǵazdaryn nelikten keri satyp alyp jatqanyn túsindirdi

ASTANA. KAZINFORM - Air Astana baǵaly qaǵazdaryn keri satyp alýǵa qatysty túsinik berdi. 

Air Astana óz qyzmetkerlerine syıaqy berý úshin kompanııanyń aktsııalaryn jáne ǴDQ-ny keri satyp alý baǵdarlamasyn bastady.

Tıisti relız 2024 jylǵy 30 sáýirde jarııalandy.

Baǵdarlamanyń birinshi bóligi sheńberinde qoǵam jalpy somasy 12 mıllıon AQSh dollarynan aspaıtyn (ilespe shyǵyndy qosa alǵanda) 4 786 800 aktsııaǵa (aktsııalar jáne ǴDQ túrinde) deıin satyp alýǵa nıetti.

Bul — qazirgi ýaqytta kompanııanyń ornalastyrylǵan aktsııalarynyń (quqyqtary ǴDQ-men kýálandyrylǵan aktsııalardy qosa alǵanda) jalpy sanynyń shamamen 1,3%-yn qamtıdy.

Baǵdarlamanyń birinshi bóligi 2024 jylǵy 30 sáýirde bastalyp, 2025 jylǵy 8 aqpannan keshiktirilmeı aıaqtalady.

«Satyp alý tıisti bırjalardyń erejesine sáıkes jáne baǵaly qaǵazdar naryǵynda teris paıdalanýdy boldyrmaý týraly qoldanylatyn zańnamanyń talaptaryn saqtaı otyryp, basym naryqtyq baǵa boıynsha júzege asady. Retteýshi talaptarǵa sáıkes bolý maqsatynda kompanııa baǵdarlamany iske asyrý sheńberinde kún saıyn jasalǵan mámileler týraly biriktirilgen aqparatty jarııalaı otyryp, baǵdarlamanyń oryndalý barysy týraly naryqty apta saıynǵy negizde habardar etedi» deıdi kompanııadan.

Eske sala keteıik, bıyl Air Astana aktsııalaryn IPO-ǵa shyǵarǵan bolatyn. London qor bırjasynda (LSE), Astana International Exchange (AIX) bırjasynda, sondaı-aq Qazaqstan qor bırjasynda (KASE) shartsyz saýda-sattyq bastaldy. 

Kompanııa alǵashqy IPO satylymnan 370 mln dollar tabys tapty.