«Air Astana» ázirshe «Astana-Parıj» baǵytynda áýe reısin asha almaıdy
ASTANA. QazAqparat - «Air Astana» ázirshe «Astana-Parıj» baǵytynda áýe reısin asha almaıdy. Bul týraly búgin Úkimettiń selektorlyq rejimdegi otyrysynda «Air Astana» kompanııasynyń vıtse prezıdenti Erbol Ospanov aıtty.
«Astana-Parıj» baǵytyndaǵy áýe reısine qatysty aıtar bolsaq, ázirshe ««Air Astana» ony asha almaıdy. Óıtkeni «sur tizimge» baılanysty bizge jańa jıilikter men baǵyttarǵa shekteý qoıylǵan», - dedi ol.
Degenmen onyń atap ótýinshe, 25-26 naýryz aralyǵyndaǵy IKAO ókilderiniń sapary barysynda bul másele tolyǵymen sheshiletin bolady.
«Bizdiń flotymyz da, adamdarymyzdyń daıyndyǵy da bul áýe reısin ashýǵa múmkindik beredi»,- dedi E.Ospanov.
