Air Astana ushaq fıýzelıajynan jaryqshaq tabylǵanyn rastady
ASTANA. KAZINFORM – Air Astana ushaq fıýzelıajyndaǵy jaryqshaqqa qatysty túsinikteme beredi.
Bul týraly áýe kompanııasynyń resmı Telegram-kanalynda habarlandy.
– Qurylmanyń syndarly emes jerinde, atap aıtqanda júk bóliginiń qaptamasynyń jeńil paneli bekitilgen jerinde uzyndyǵy 25 mm syzat tabylǵan. Bul usaq aqaý ushý qaýipsizdigine áser etpeıdi jáne ushý kezinde paıda bolýy múmkin. Air Astana áýe kemesiniń úzdiksiz ushýǵa jaramdylyǵyn jáne qaýipsiz paıdalanýyn qamtamasyz ete otyryp, tehnıkalyq baıqaýdyń belgilengen baǵdarlamasyn qatań saqtaıdy jáne barlyq qajetti jóndeý jumysyn áýe kemesin óndirýshiniń nusqaýlaryn tolyq saqtaı otyryp júrgizedi. Qazir búlingen jerler jóndelip, ushaq paıdalanýǵa qaıtaryldy, - delingen haıýarlamada.
Eske sala keteıik, buǵan deıin Air Astana aktsııalary 30 paıyzǵa jýyq arzandaǵanyn jazǵan edik.