Air Astana áýe bıletteri baǵasyn ózgerissiz saqtap qalýǵa tyrysady
ASTANA. QazAqparat - Air Astana áýe kompanııasynyń prezıdenti Pıter Foster áýejaılardyń joǵary tarıfteri týraly áriptesteriniń shaǵymyna qatysty pikir bildirdi, dep habarlaıdy QazAqparat.
«Árıne, áýe kompanııasy qoldanatyn qandaı da bir qyzmetterge tarıftiń kóterilýi áýe tasymaldary tarıfteriniń de qymbattaýyna ákeledi. Biraq, biz óz tarabymyzdan bolyp jatqan ózgeristerge qaramastan, tarıf deńgeıin saqtap qalýǵa tyrysamyz», - dedi P.Foster QR Úkimetiniń otyrysy barysynda.
Áýejaı tarıfterine keler bolsaq, eldegi iri áýe kompanııalarynyń biriniń basshysy halyqaralyq tájirıbeni mysal retinde keltirdi. Ol áýejaılardyń tabıǵı monopolııa ekenin atap ótti jáne áýe kompanııalary ekonomıkalyq jaǵdaılarǵa qatysty tarıfti kóterý qajettigimen kelisedi. Alaıda, tarıfterdiń ózgerýi barlyq protsess qatysýshylarymen talqylaýdan keıin ǵana júzege asýy kerek.
Buǵan deıin qazaqstandyq áýe kompanııalary áýejaılardyń joǵary tarıfterine shaǵymdanǵan edi.
