Air Astana Astanadan segiz jańa baǵyt ashty
ASTANA. KAZINFORM — Air Astana áýekompanııalar toby 2026 jyly Astanadan segiz jańa turaqty jáne charterlik baǵyt ashty. Olardyń qatarynda Gýańjoý, Bangkok, Larnaka, Dalaman, Batýmı, Ystyqkól, Salala jáne Inın bar.
Byltyr áýekompanııa Astanadan Sanıa, Jıdda, Mádına, Nıachang, Danang, Alanıa jáne Kýtaısı baǵyttaryn iske qosqan. Qazir elordadan qatynaıtyn halyqaralyq baǵyttar sany 32-ge jetti.
Sonymen qatar áýekompanııalar toby Astanadan halyqaralyq baǵyttarǵa qatynaıtyn reıster sanyn arttyrdy. Aptalyq reıster sany 99-dan 116-ǵa deıin ósti. Olardyń qatarynda Beıjiń, Seýl, Frankfýrt, Ystanbul jáne Dýbaı baǵyttary bar.
2025 jylmen salystyrǵanda Astana — Beıjiń baǵyty boıynsha jolaýshylar tasymalyna usynylatyn oryn sany 55%-ǵa, al Seýl men Ystanbul baǵyttarynda 20%-ǵa artqan.
Elordada ornalasqan áýe kemeleriniń sany da kóbeıip keledi. 2024 jyly Astanada 13 ushaq bolsa, 2026 jyldyń jazynda olardyń sany 16-ǵa jetti. 2027 jyly bul kórsetkishti 22 ushaqqa deıin arttyrý josparlanǵan.
Eske salaıyq, buǵan deıin Air Astana Taıaý Shyǵysqa qatynaıtyn reıster sanyn arttyratynyn habarlaǵanbyz.
