Air Astana áskerı qyzmetshilerdiń jaqyn týystaryn tegin tasymaldaıdy
ASTANA. KAZINFORM — Air Astana kompanııalar toby Kaspıı teńizinde oqý-jattyǵý kezinde aman qalǵan jáne qaza tapqan áskerı qyzmetshilerdiń jaqyn týystaryn tegin tasymaldaıtynyn habarlady.
— Air Astana kompanııalar toby qaza tapqan jáne aman qalǵan áskerı qyzmetshilerdiń jaqyn týystaryna, sondaı-aq Kaspıı teńizindegi oqý-jattyǵý kezinde aman qalǵan áskerı qyzmetshilerdiń ózderine avıabıletter usynady, — delingen áýe kompanııasynyń habarlamasynda.
Bıletter 25 qyrkúıekten 3 qazanǵa deıingi kezeńde oryndalatyn kompanııalar tobynyń kez kelgen ishki reısterine usynylatyny habarlandy.
— Jaqyn týystaryna ata-analar, erli-zaıyptylar, balalar, sondaı-aq týǵan aǵa-inileri men apa-sińlileri jatady. Brondaý kezinde týystyǵyn rastaıtyn qujattardy usyný qajet, — dep habarlady Air Astana.
Bıletterdi rásimdeý úshin kompanııalar tobynyń satý keńselerine, sondaı-aq basqa da baılanystar boıynsha tómendegi nómirlerge habarlasýǵa bolady.
Air Astana Brondaý jáne aqparat ortalyǵy (24/7):
formany toltyrý qajet WhatsApp: +7 702 702 00 74
Online chat: airastana.com FlyArystan
[email protected] 8 727 331-10-10 WhatsApp +7 702 702 0227
Live Chat FlyArystan mobıldi qosymshasynda/ flyarystan.com saıtynda
Aıta keteıik, Mańǵystaý oblysynda qaza tapqan áskerı qyzmetshilerdiń otbasylaryna kómek jınaýdyń biryńǵaı resmı tetigi belgilendi. Búginde Qazaqstan Halyq Keńesiniń músheleri 815 mln teńge jınaǵan.
Kaspııde qaza bolǵan áskerı qyzmetshilerdiń qazasyna qatysty qylmystyq is eki bap boıynsha tergelip jatyr.
