Air Astana: Almatydan ushatyn reıster keshigip jatyr

ALMATY. KAZINFORM – Kún raıy buzylyp, qalyń qar túsýine baılanysty Air Astana  áýekompanııasynyń Almatydan ushatyn reısteri keshiktirilip jatyr. Bul týraly áýekompanııa málim etti.

— Air Astana áýekompanııasy Almatydan ushatyn reısterdiń qalyń qar jaýýyna baılanysty keshiktiriletinin habarlaıdy. Qar ushaqtardy muzǵa qarsy óńdeý jumystaryna kedergi keltiredi. Áýejaıǵa shyqpas buryn reıs statýsyn áýekompanııa saıtynan tekserip alýyńyzdy suraımyz, — delingen habarlamada.

Eske sala keteıik, buǵan deıin Air Astana ushaǵy Almatydan Aqtóbege ushpaı qalǵanyn jazǵan bolatynbyz.