Air Astana: Almatydan Beıjińge ushqaly turǵan ushaqtyń esigi zaqymdalǵan
ASTANA. KAZINFORM — Air Astana 13 tamyzda «Almaty-Beıjiń» reısin daıyndaý kezinde áýe kemesiniń esigin tamaq tasıtyn mashına zaqymdaǵanyn habarlaıdy.
«13 tamyzda KS 267 Almaty-Beıjiń reısin daıyndaý kezinde áýe kemesiniń esigin tamaq tasıtyn mashına zaqymdady. Bul reıstiń jolaýshylary búgingi reıspen dittegen jerine jetkiziledi.
Áýekompanııa reıstiń keshiktirilgenine ókinip, oǵan áýekompanııa kináli emes ekenin atap kórsetedi.
Air Astana Almaty halyqaralyq áýejaıyn materıaldyq zalal keltirýden basqa ushý kestesin buzatyn oqıǵalardyń aldyn alýǵa shaqyrady» delingen áýe kompanııasy taratqan habarlamada.
Aıta keteıik, budan buryn 8 tamyzda Astana-Atyraý baǵyty boıynsha KS 983 reısin oryndaýǵa josparlanǵan ushaq qatty jel kezinde elordalyq áýejaıda konteınerdiń soqqysynan zaqymdanǵanyn habarlaǵan edik.
