Air Astana Almatydan Atyraýǵa qosymsha reıster ashty

ASTANA. KAZINFORM – Qosymsha reısterdi engizý týraly sheshim Atyraý oblysyndaǵy sý tasqyny jaǵdaıyna baılanysty qabyldanyp otyr. Atalǵan baǵyt boıynsha suranystyń artqany baıqalady.

«9 sáýirde Air Astana áýe kompanııasy KC 8770 jáne KC 8780 qosymsha reısterin Almatydan Atyraýǵa jáne keri qaraı Airbus A321 ushaǵymen júzege asyrady. Ushaqtyń syıymdylyǵy - 179 oryn. Almatydan Atyraýǵa ushatyn reıs saǵat 17:00-ge josparlanǵan. Keri reıs – saǵat 21:15-te», - delingen áýe kompanııasy taratqan habarlamada.

Áýe bıletterin avıakompanııanyń saıtynda, Air Astana qosymshasynda nemese brondaý jáne aqparat ortalyǵynan satyp alýǵa bolady.

Sondaı-aq Air Astana áýe kompanııasy gýmanıtarlyq kómekti tegin tasymaldaıtynyn qosa habarlady.