Air Astana Aqtaýdan ushqan ushaqtyń keri qaıtarylý sebebin túsindirdi

ASTANA. KAZINFORM –  8 naýryz kúni Aqtaý – Almaty baǵyty boıynsha ushqan ushaq áýejaıǵa qaıta oralǵan edi. Áýe kompanııasy bul jaǵdaıdyń sebebin túsindirdi.

— Ekıpaj №1 qozǵaltqyshtaǵy maı deńgeıiniń tómendigi týraly tehnıkalyq eskertýge baılanysty qozǵaltqyshty sóndirip, standartty protsedýralarǵa sáıkes áreket etti, — dep habarlady Air Astana baspasóz qyzmeti.

Sondaı-aq, áýe kompanııasy ushaqtyń Aqtaýǵa sátti qonǵanyn jáne jolaýshylardyń kompanııa tobynyń rezervtik ushaǵymen jóneltilgenin málimdedi.

Eske sala keteıik, 7 naýryz kúni saǵat 11:45 shamasynda halyqaralyq áýejaıdyń ishki reıster termınalynda er adam áýejaı qyzmetkerine pyshaqpen shabýyl jasaǵan edi.

Almaty halyqaralyq áýejaıynda kepilge alynǵan qyzmetkerdi erlikpen qutqaryp qalǵan Musa Ábdiraıym Búkilálemdik boks keńesiniń (WBC) beıbitshilik elshisi bolyp taǵaıyndaldy.

Sondaı-aq Almaty ákimi Musa Ábdiraıymǵa «Erligi úshin» medalin tabystaǵan edi.