Air Astana 15 shildeden bastap Dýbaıǵa reısterdi qaıta iske qosady
ASTANA. KAZINFORM – Air Astana áýe kompanııasy 15 shildeden bastap Almaty–Dýbaı–Almaty jáne Astana–Dýbaı–Astana baǵyttary boıynsha turaqty reısterdi qaıta jandandyrady.
Kompanııanyń málimetinshe, reıster 15 shildeden bastap qaıta oryndala bastaıdy.
– Air Astana 15 shildeden bastap Almaty–Dýbaı–Almaty jáne Astana–Dýbaı–Astana baǵyttary boıynsha turaqty reısterdi qalpyna keltirýdi josparlap otyr, – delingen habarlamada.
Áýe kompanııasy Taıaý Shyǵystaǵy ahýaldy turaqty baqylap otyrǵanyn atap ótti.
– Aımaqtaǵy jaǵdaıǵa baılanysty ushý kestesine ózgerister engizilýi múmkin. Qosymsha ózgerister bolǵan jaǵdaıda jolaýshylarǵa der kezinde habarlanady, – dep málimdedi kompanııa.
Aıta keteıik, kompanııa 12 shilde kúni Dýbaıǵa ushatyn birqatar reısin toqtatqan bolatyn.
