Air Asia ushaǵynyń qulaýyna aýa raıynyń qolaısyzdyǵy sebep bolýy múmkin
ASTANA. QazAqparat - Malaızııalyq Air Asia kompanııasy ushaǵynyń apatqa ushyraýyna aýa raıynyń qolaısyzdyǵy sebep bolýy múmkin, dep esepteıdi Indonezııanyń úkimettik meteorologııalyq agenttiginde (BMKG).
«Ushaqpen sońǵy baılanys kezinde alynǵan málimetterge qaraǵanda, aýa raıynyń nasharlaýy apattyń bastalý faktory bolǵan», - delindi BMKG saıtynda jarııalanǵan baıandamada.
Agenttikte áýe kemesiniń apatyna onyń qozǵaltqyshynyń aqaýlyǵyna ákelip soqtyrǵan muzdaný sebep bola alatyny aıtylady.
Aıta keteıik, 28 jeltoqsanda AirAsia kompanııasynyń áýe kemesi ushyp shyqqannan sátinen shamamen 40 mınýttan soń radarlar nazarynan joǵaldy, sol kezde onyń Kalımantan (Borneo) aralynyń aýdanynda ushqany shamalanady. Áýe kompanııasynyń málimetterinshe, ushaqtyń ishinde 162 adam: 155 jolaýshy (sonyń ishinde 17 bala), eki ushqysh, bortınjener jáne tórt jolserik bolǵan, dep jazady Gazeta.rý.
