Air Asia ushaǵynyń qara jáshiginiń jazbasynan apattyq jaǵdaı týraly dabyl úni tabyldy
ASTANA. QazAqparat - Air Asia kompanııasynyń apatqa ushyraǵan ushaǵyndaǵy borttyq jazbanyń sońǵy fragmentterinde kótergish kúshtiń kúrt tómendegenin eskertetin dabyl anyq estiledi. Bul týraly TASS habarlady.
«Bir ýaqytta ındonezııalyq aerobýstyń ushqyshtary kemeniń avarııalyq jaǵdaıynyń aldyn alýǵa tyrysqan, ázirge sońǵy mınýttardaǵy olardyń sóılegen sózin anyqtaý qıynǵa soǵýda», - dep jazady ulttyq kóliktegi qaýipsizdikti basqarý organynan tergeý ókiliniń basylymy. «Eskertý dabyly biraz ýaqyt qosylyp turǵan», - dep atap ótken tergeýshi.
Budan buryn Indonezııa kólik mınıstri Ignasıýs Djonan habarlaǵandaı, alynǵan aqparattar laıner kútpegen jerden bıiktikke kóterilgenin, alaıda jyldamdyq bul úshin shekti ruqsat etilgen deńgeıden tómen bolǵanyn kórsetedi.
Ár elderden apatty talqylaǵan pılottar Air Asia kenet joǵarylaý úshin kem degende saǵatyna 833 shaqyrym jyldamdyq bolýy kerektigine qaramastan, saǵatyna 648 shaqyrym jyldamdyqpen ushyp kele jatyp, bıiktikti arttyrǵanyn aıtady.
