Air Asia ushaǵynyń ekinshi «qara jáshigi» sýdan shyǵaryldy
ASTANA. QazAqparat - Indonezııa qutqarýshylary Air Asia áýe kompanııasynyń ıAva teńizinde apatqa ushyraǵan ushaǵynyń ózdiginen jazatyn quralyn sýdan alyp shyqty, dep habarlaıdy VVS.
«Qara jáshiktegi» jazbalardy anyqtaý úshin ol Indonezııanyń astanasy Djakartaǵa jiberiledi. Buǵan deıin qutqarýshylar ushaqtyń artqy bóligindegi borttyq ózdiginen jazatyn quraldy sýdan alyp shyqqan edi.
Esterińizge sala keteıik, ishinde 162 adam bolǵan Air Asia áýe kemesi Indonezııanyń Sýrabaııa qalasynan Sıngapýrge ushyp shyǵyp, radarlardan 28 jeltoqsanda joǵalyp ketti.
