Air Arabia 20 maýsymǵa deıin BAÁ men Reseı arasyndaǵy barlyq reısti toqtatty

DÝBAI. KAZINFORM —BAÁ-niń Abý-Dabı, Shardja jáne Ras-el-Haıma qalalarynan reıster oryndaıtyn Air Arabia áýe kompanııasy BAÁ men Reseı arasyndaǵy barlyq reısterdi 20 maýsymǵa deıin toqtatty. Bul týraly áýe kompanııasynyń resmı saıtynda habarlandy, dep jazdy TASS.

Tasymaldaýshy Irak pen Iranǵa ushýlardy 30 maýsymǵa deıin toqtatý týraly sheshimdi de uzartty.

Lıvan men Iordanııaǵa ushatyn turaqty reıster tıisinshe 18 jáne 21 maýsymda qaıta usha bastaıdy.

Shardja nemese Abý-Dabı arqyly tranzıtpen atalǵan eki elge baǵyt alǵan jolaýshylarǵa shyǵý áýejaıynda ushýǵa ruqsat berilmeıdi.

Eske sala keteıik, Taıaý Shyǵystaǵy jaǵdaıdyń ýshyǵýyna baılanysty Iran men Irak áýe keńistigin japty. Osy máselege qatysty Air Astana kompanııasy reıster áýe keńistigin aınalyp  ushatynyn habaralaǵan edi.

Iran Izraılge taǵy da zymyran jiberdi.

Búgin Syrtqy ister mınıstrliginiń resmı ókili Aıbek Smadııarov Taıaý Shyǵystaǵy jaǵdaıdyń ýshyǵýyna baılanysty Iran, Izraıl, Sırııa, Irak, Iordanııa jáne Lıvannyń áýe keńistigi, shekaralary jáne mańynda ushýǵa shekteý qoıýyna qaramastan, atalǵan memleketerge týrısterdiń legi azaımaı otyrǵanyn aıtty. Taıaý shyǵysqa sapar aldynda barlyq táýekel eskerilýi tıis ekenin eskertti.